فى خمسه وعشرين يناير

فى خمسه وعشرين يناير
طلعنا نصحى الضماير
ونهد للظلم
اللى بقى علو عماير

واتجمعنا فى التحرير
وقلنا عايزين تغيير
لا حرقنا ولا كسرنا
ولا كان هدفنا التدمير



فاض بينا وطلعنا نادينا با الحريه
ونعيش فى بلد حره ديمقراطيه
ودى من ابسط حقوق الانسانيه
يبقى ليه مننا 365 ضحيه

عشان طلعنا قلنا الحق.. وعشان قلنا للظلم لآ
ولا عشان قسوه قلبكو ..اللى عمره فى يوم ما رق

شهدأنا فى الجنه واللى قتل اكيد فى النار
اللى ضحى عشانا .هيفضل عايش ليل ونهار
ما متشى دا عايش زينا ..بس فى جنه الابرار

الله فى سماه ..اللى ضحى عشان نعيش
مش هننساه... ما اصله حاجه ما تتنسيش





والله بكيت بحرقه
ع النهب والسرقه
واكتر على ناس
بقى ما بن وبينهم فرقه

اتهمونا با العماله
واحنا صونا الامانه
وحافظنا على بلدنا
فى وقتالغدر و الخيانه

فاض بينا وطلعنا نادينا با الحريه
ونعيش فى بلد حره ديمقراطيه
ودى من ابسط حقوق الانسانيه
يبقى ليه مننا 365 ضحيه

عشان طالبنا با المساواه ..واللى غلط يتحاسب بشرع الله
ايه ما لكوا خفتوا ولا ايه..ماهو مش دايم سلطان ولا جاه

صبرنا سنين.. قلنا بكره يخافوا ويختشوا
بس تقول لمين..دول ليل نهار بيرتشوا
المال عماهم ..وخلاهم بينا يبطشوا

بس الظلم.. لازم يبقى له فى يوم نهايه
وحققنا حلم..بس دا لسا مجرد بدايه



من كلماتى ...محمد حمدى
يا رب تعجبكم

جميله جدا بس عايزه شويه تعديلات بسيطه

معبرة فعلا عن الواقع اللي عايشينه